U saobraćajnoj nezgodi koja se dogodila jutros na regionalnom putu prema graničnom prelazu sa Albanijom, u Mrkojevićima, vozilo je sletjelo nekoliko metara sa puta i prevrnulo se. Srećom žena koja je bila za volanom nije zadobila povrede, piše Primorski portal.
Međutim, u vozilu su bili njeni kućni ljubimci. Od šest pasa, spašena su četiri, jedan je nastradao, a jedan je nestao.
Kako se dogodila saobraćajna nezgoda za sada nije poznato.
Primorski portal saznaje da je za volanom kombija bila strana državljanka.
Na lice mjesta jutros su izašli pripadnici policije, Zavoda za hitnu medicinsku pomoć, Službe zaštite i spašavanja Bar.
“Jutros u 7:58 na poziv policije da je na početku Mrkovskog polja sletjelo vozilo sa puta Služba zaštite i spašavanja prema licu mjestu uputila je tri vozila sa posadama. Zatekli smo kombi stranih tablica u kojem su se nalazili vozač i šest pasa. Nakon što je vozač izvučen i predat ekipi ZHMP, pripadnici Službe zaštite i spašavanja su pristupili izvlačenju pasa iz vozila. Nakon pretrage vozila i okolnog terena spašena su četiri psa, jedan je nastradao i jedan je nestao”, kazao je za Primorski portal komandir Službe zaštite i spašavanja Bar Aco Vulević.
