Jedna od najpoznatijih manekenki u regionu radi u pekari, mnogima ne liči na sebe: “NIŠTA NALIK ŽIVOTU KOJI SAM NEKAD VODILA”
Bivša manekenka Ivana Stanković, jedna od najpoznatijih na ovim prostorima, povukla se iz javnosti prije nekoliko godina i kako je objavila na društvenim mrežama, sada je zaposlena u pekari. Nekad je radila reklamnu kampanju sa Brus Vilisom za svjetski poznati brend, pa je sad neobično vidjeti je kako radi fizičke poslove.
Stankovićeva je aktivna na društvenim mrežama, a sada je podijelila fotografiju i u opisu iste napisala da radi u pekari.
– Odgovor na pitanje svima onima koji su me uživo, ili ovdje, u dm, pitali šokirani: “Ivana, jeste to Vi? “Da, to sam svuda bila ja… I, ovdje u pekari u 6 ujutru, i u malom marketu, i u kafiću, trafici, cvjećari, i na još nekoliko mjesta… Obični poslovi, ništa nalik životu koji sam nekada vodila. Ali…da li je u Srbiji popularno ako ste poznati, pa onda radite običan, ali pošten posao? I, da li ste više “propali” ako neko misli da sada tako zarađujete za život, umesto da ste sponzoruša, a znamo šta taj izraz znači… Iznenadili biste se odgovorom…Ili možda ne, obzirom na vrijeme u kojem živimo… Naravno, ova moja “avantura” je u isto vrijeme i urnebesno smiješna, i pomalo tužna i zabrinjavajuća, napisala je između ostalog Ivana, koja piše na ovu temu kolumnu.
Ona je odlučila da dvije godine radi različite poslove pa je tako radila u pekari, kafiću, cvjećari, restoranu… a sve sa ciljem da bi istražila zašto je popularnije biti sponzoruša, lopov, prostitutka, biti lice izdržavano od strane roditelja u 40-im, ući u rijaliti, slikati se za only fans…nego raditi pošten posao?! Kaže da je fizički rad koristan za psihu pa je tako riješila i ljubavne probleme, i da bi uvijek radije izabrala pošten posao nego bila sponzoruša, ušla u rijaliti, slikala se za only fans… Posla za one koji hoće da rade uvijek ima, a kad pošteno zaradite svoj novac, noću slatko spavate – napisala je Ivana na društvenim mrežama.
