Đalović ispričao anegdotu o Vučiniću: Prije utakmice jede pljeskavicu, a onda…
Trener Rijeke i bivši crnogorski reprezentativac Radomir Đalović ispričao je zanimljivu anegdotu o nekadašnjem saigraču iz tabora “hrabrih sokola” Mirku Vučiniću.
„Mirko je bio najveća klasa. Na primjer, mi dođemo u reprezentaciju i on sedam dana ne trenira. Kako? Ne znam. To je nemoguće da ja tako dođem“, pričao je Đalović.
I objasnio kako je izgledao Mirko na terenu i van njega.
„Čekamo da zaigramo utakmicu u 20 časova, a on u 18.30 jede pljeskavicu u svlačionici. A, onda izađe na teren i pokida. To se jednom rodi. Ima igrača koji to mogu, ali su rijetki i sve ih je manje“, istakao je Radomir Đalović, koji sa puno uspjeha vodi Rijeku, ekipu koja je vodeća na tabeli ispred Hajduka i Dinama.
Vučinić je takođe uplovio u trenerske vode i trenutno je jedan od pomoćnika Roberta Prosinečkog u našem nacionalnom timu.
